Sergeev qoımasyndaǵy sý 30 sm tómendedi

ASTANA. KAZINFORM – Soltústik Qazaqstan oblysynda sý deńgeıi turaqty túrde tómendep keledi. Bul týraly SQO TJD baspasóz hatshysy Evgenıı Jýravlev aıtyp berdi.

«Sergeev sý qoımasyndaǵy sý 2 metr 9 sm tasydy. Ótken táýlikte onyń deńgeıi 30 sm-den artyq tómendedi. Esil aýdany Pokrovka aýylynyń gıdrobeketinde Esil ózenininiń sý deńgeıi táýligine 37 sm-ge, Novonıkolskoe — 20 sm-ge tómendedi, ıaǵnı onda sý tasqynynyń ekinshi tolqynynyń shyńy ótti. Petropavl qalasynda da sý deńgeıi táýligine 11 sm tómendep keledi», — dedi spıker Ortalyq kommýnıkatsııalar qyzmetinde. 

Naqtylanǵan málimetter boıynsha, sý tasqyny bastalǵaly SQO-da 3898 úı sý astynda qaldy, qazir 267 úıden sý ketti. Qazirgi ýaqytta oblys boıynsha 3631 úı jáne 1116 turǵyn úı mańyndaǵy aýla sý astynda qalýda. 

13 624 adam úıine kire almaı otyr, onyń ishinde 3396 bala bar. Qazirgi ýaqytta halyqty ýaqytsha ornalastyrý pýnktterinde 906 adam bar. Qalǵandary týystarynda ornalastyrylǵan.

«Qazir jeke quramnan 387 adam, 42 tehnıka, 15 motopompa, 12 júzý quraly jáne 2 tikushaq qaldy. Bizdiń toptardyń kúshteri Esil jáne Qyzyljar aýdandarynda, Petropavl qalasynda shoǵyrlanǵan», — dedi spıker.