Serbııada parlament otyrysynda daý shyǵyp, úsh depýtat jaraqat aldy
ASTANA. KAZINFORM — Serbııada Ulttyq assambleıanyń otyrysynda oppozıtsııalyq partııa depýtattary tóbeles shyǵaryp, pırotehnıkalyq zat qoldaný arqyly sessııany buzýǵa áreket jasap, tártipsizdik oryn aldy, dep habarlaıdy TASS.
Oqıǵa «Solshyl-jasyl maıdan» depýtaty Radomır Lazovıch minberge kezeksiz kóterilmek bolǵan kezde bastaldy. Parlament qaýipsizdik qyzmetkerleriniń ony toqtatý áreketi tóbeleske ulasty. Oppozıtsııalyq depýtattar tútin bombalaryn jaǵyp, Serbııa prezıdenti Aleksandr Výchıchti taqtan taıdyrýǵa shaqyrǵan banner ilindi.
Buǵan jaýap retinde bıleýshi Serb Progressıvti partııasynyń músheleri eldiń týyn jaıdy.
Tártipsizdikter kezinde úsh depýtat jaraqat aldy, onyń ishinde ıAsmına Karanats (Serbııanyń sotsıal-demokratııalyq partııasy), sondaı-aq ıAsmına Obradovıch pen Sonıa Ilıch (ekeýi de Serb progressıvti partııasynan). Obradovıch jarylǵysh granatadan jaraqat alyp, ınsýlt aldy, onyń jaǵdaıy aýyr dep baǵalandy. Segiz aılyq júkti Ilıch aýrýhanaǵa túsip, dárigerler sábıiniń ómiri úshin kúresip jatyr.
Bul oqıǵa Serbııada 2024 jyldyń qarashasynan beri jalǵasyp kele jatqan narazylyqtar tusynda oryn aldy. Stýdentter men oppozıtsııalyq kúshter 2024 jyly 1 qarashada Novı-Sad qalasynda temirjol vokzalyndaǵy shatyrdyń opyrylýy saldarynan 15 adamnyń ómirin qıǵan qaıǵyly oqıǵaǵa kinálilerdi jaýapqa tartýdy talap etip otyr.
Buǵan deıin Serbııa stýdentteri Novı-Sadqa sherýge shyqqanyn jazǵan edik.