Serbııada avtobýs apatynan 3 adam qaza taýyp, 35 adam jaraqat aldy

ASTANA. KAZINFORM — Serbııanyń soltústigindegi Sremska-Mıtrovıtsa qalasynyń mańynda juma kúni zaýyt jumysshylaryn tasymaldaǵan avtobýs jol apatyna ushyrap, aýdarylyp qaldy, dep habarlaıdy Sınhýa.

Jergilikti bıliktiń málimetinshe, qaıǵyly oqıǵa saldarynan úsh adam qaza taýyp, taǵy 35 adam jaraqat aldy. 

Serbııa Іshki ister mınıstrliginiń aqparatyna sáıkes, medıtsınalyq jabdyqtar óndiretin kompanııanyń jumysshylaryn tasymaldap kele jatqan avtobýs jergilikti ýaqytpen saǵat 14:45 shamasynda joldan shyǵyp ketip, aýdarylyp qalǵan. Apat Sremska-Mıtrovıtsa men ıArak aýyldarynyń arasynda, Belgradtan shamamen 70 shaqyrym soltústik-batysta bolǵan.

Eki adam oqıǵa ornynda kóz jumdy, al úshinshisi aýrýhanada alǵan jaraqattarynan qaıtys boldy.

Jedel járdem qyzmeti oqıǵa ornyna alty medıtsınalyq brıgada jiberip, 35 jolaýshy Sremska-Mıtrovıtsa aýrýhanasyna jetkizildi.

Aýrýhana ókili jergilikti BAQ-qa bergen málimdemesinde zardap shekkenderdiń kóbinde aýyr jaraqattar bar ekenin habarlady.

Osydan buryn Serbııada mıtıng ótip, halyq shuǵyl kezekten tys saılaý ótkizýdi talap etkenin jazǵan edik.