Serbııa UQShU-men jaqsy qatynastardy damytýǵa múddeli - Prezıdent T.Nıkolıch

MÁSKEÝ. QazAqparat - Búgin UQShU Bas hatshysy Nıkolaı Bordıýja Belgradta Serbııa Respýblıkasynyń Prezıdenti Tomıslav Nıkolıchpen kezdesti. Kezdesý barysynda serb memleketiniń basshysy Serbııa UQShU-men jaqsy qatynastardy damytýǵa múddeli dep málimdedi. Bul týraly UQShU baspasóz hatshysy Vladımır Zaınetdınov habarlady.

«Serbııa UQShU-men jaqsy qatynastardy damytýǵa múddeli, sonymen birge óziniń áskerı beıtaraptyǵyn buzbaıdy», - dedi Serbııa Respýblıkasynyń Prezıdenti.

Onyń aıtýynsha, Serbııa áskerı qatynastarda beıtarap el jáne eshqandaı áskerı odaqtarǵa qosylmaıdy. Sonymen qatar ol Serbııa barlyǵymen de yntymaqtastyqqa ashyq, búgingi tańda bolyp jatqan úderisterge oraı qaýipsizdikke qarsy barlyq qaterlerge tıimdi qarsy turady jáne óziniń múddelerin qorǵaıdy dep atap ótti.

Prezıdent T.Nıkolıch Serbııa men UQShU arasyndaǵy ornatylǵan yntymaqtastyqqa zor qanaǵattanýshylyǵyn bildirdi jáne ol Serbııanyń qorǵanys ónerkásibin damytýǵa eleýli úles qosatyndyǵyn atap kórsetti.

T.Nıkolıch UQShU bas hatshysymen Serbııa Premer-mınıstri, qorǵanys jáne ishki ister mınıstrleri ótkizgen kezdesýlerdiń nátıjesi retinde taıaýdaǵy ýaqyttarda Serbııa Respýblıkasy men UQShU arasyndaǵy yntymaqtastyqty jaqsartý sharttaryna qatysty usynystar naqtylanatynyn aıtty.

Óz kezeginde N.Bordıýja qaýipsizdik qyzmetteri arasynda aqparattar almasý jónindegi yntymaqtastyqty jaqsartýǵa kirisýdi usyndy, ol bul serbtik qaýipsizdik qurylymdary úshin de qyzyqty bolar edi, degen pikirin jetkizdi.

«UQShU Serbııaǵa esirtkiniń zańsyz aınalymymen, uıymdasqan qylmyspen, adam saýdasymen, sondaı-aq halyqaralyq lańkestikpen jáne tabıǵı apattarmen kúreste kóp nárselerden kómektesedi», dedi UQShU Bas hatshysy.

Ol UQShU Serbııanyń áskerı qatynastarda beıtarap qalý ustanymyn qurmetteıtinin atap kórsetti jáne eshkim de respýblıkaǵa ol qarsylyq bildiretin sheshimdi kúshtep tańa almaıtynyn aıtty.