Serbııa qazaqstandyq kásipkerlerge sýbsıdııa bermek
«Biz erkin saýda aımaǵy týraly kelisimge túzetý engizý baǵytynda jumys istep jatyrmyz. Áriptesterimizden qus eti, irimshik, shylym jáne ózge de taýarlardy qosa alǵanda EAEO naryǵynda birneshe taýarlyq pozıtsııada kedensiz ımportty qamtamasyz etýdi surap otyrmyz. Sonymen qatar, 5 myń avtomobıl kvotasy jaıynda da aıttyq. Keleshekte yntymaqtastyq úshin úlken keńistik tabamyz dep úmittenemiz. Aýyl sharýashylyǵy salasynda úlken áleýet bar. Bizden aýyl sharýashylyǵy salasynan kóp delegat keldi, sizderge tabysty kelissózder ótkizdi tileımin», - dedi Serbııa Prezıdenti.
Sonymen qatar, mártebeli meıman áskerı-tehnıkalyq salada da eki el birlese jumys isteı alatyndyǵyn basa aıtty.
«Qazaqstandyq ınvestorlardyń elimizge kelgenin qalaımyz. Doing-business tiziminde sizderdiń izderińizdi ala turmyz. Sońǵy úsh jylda biz bul tizimde birshama joǵaryladyq. Úsh jyl qatarynan bizde profıtsıt oryn alýda. Bıýdjetinde profıtsıt baıqalǵan eýropalyq elderdiń sany az», - dedi Aleksandr Vıchých.
Serbııa Prezıdenti qazaqstandyq kásipkerlerdi týrızm, qonaq úı bıznesi sııaqty salalarǵa erkin kelýge shaqyrdy.
«Sizder barynsha qolaıly jaǵdaı men memlekettik sýbsıdııaǵa ıe bolasyzdar. Sýbsıdııany jańa jumys ornyndarynyń sany boıynsha beremiz. Sýbsıdııa usynýdy túrli deńgeıleri men tásilderi bar. Birlesken kásiporyn qurý arqyly biz úlken naryqty baǵyndyra alamyz. Máselen, sizder úshin batys-eýropalyq, al biz úshin eýrazııalyq naryq. Ritz Carlton syndy qonaq úılerińiz qalasańyzdar Belgradta da bolady», - dedi ol.
Aıta keteıik, bıznes forým barysynda eki eldiń arasynda 4 memorandýmǵa qol qoıyldy.
