Ser Sýma Chakrabartı Qazaqstan ekonomıkasyn damytýǵa qatysty usynys aıtty

NUR-SULTAN. QazAqparat – Qazaqstan ınvestıtsııa tartýda óziniń kúsh-jigerin eseleýi kerek. Búgin elordada Jahandyq ınvestıtsııalar boıynsha jyl saıynǵy «dóńgelek ústel» otyrysynda Prezıdenttiń ekonomıkalyq damý jónindegi shtattan tys keńesshisi Ser Sýma Chakrabartı málim etti, dep habarlaıdy QazAqparat tilshisi.

«Qazaqstan óziniń básekege qabilettiligin arttyrý boıynsha is-sharalar keshenin júzege asyryp keledi. Osy oraıda ınvestıtsııa tartý baǵytynda eleýli qadamdar jasaldy. Meniń oıymsha, bul salada Qazaqstan óziniń kúsh-jigerin eseleýi kerek. Bul turǵyda shıkizattyq emes sektorǵa, syrtqy saýdaǵa baılanysty ınvestıtsııa tartýǵa baǵyttalǵan jumystarǵa erekshe ekpin qoıylǵan jón», - dedi Ser Sýma Chakrabartı.

Onyń paıymynsha, «Astana» Halyqaralyq qarjy ortalyǵy arqyly júrgiziletin is-sharalarǵa da mán berý kerek. Óıtkeni bul ortalyq eleýli tabysqa qol jetkizdi.

«Sondyqtan ınvestıtsııalyq jobalardy tıimdi júzege asyýdy qamtamasyz etý kerek», - dedi ol.

Budan buryn habarlanǵandaı, Meıirjan ıÝsýpov Qazaqstanda qaı salalarǵa ınvestıtsııa salýǵa bolatynyn aıtty.

Sonymen qatar, ınvestıtsııalar jónindegi dóńgelek ústel otyrysynda QR Premer-Mınıstriniń orynbasary – Syrtqy ister mınıstri Muhtar Tileýberdi Táýelsizdik jyldarynda elimizge 376 mlrd dollar shetel ınvestıtsııasy tartylǵanyn atap ótti.