Senegal mınıstrlerge shetelge shyǵýǵa tyıym saldy

ASTANA. KAZINFORM – Senegal mınıstrlerdiń shetelge shyǵýyna tyıym salǵan álemdegi birinshi el boldy. Mundaı sheshim Iran men AQSh arasyndaǵy qaqtyǵys týdyrǵan energetıkalyq daǵdarysqa jaýap retinde qabyldandy, dep habarlaıdy Kazinform agenttigi BILD basylymyna silteme jasap.

Senegal premer-mınıstri Osman Sonko tek mańyzdy resmı saparlarǵa ruqsat etiletinin aıtty. 

BILD málimetinshe, bul sharalardyń maqsaty – memlekettik shyǵyndardy kúrt qysqartý. Buǵan munaı baǵasynyń aıtarlyqtaı ósýi sebep boldy. Munaı ımporttaýshy Senegal daǵdarystan ásirese qatty zardap shekti, óıtkeni ol bastapqyda áldeqaıda tómen shyǵyndardy kútken edi. 

Aıta keteıik, osyǵan deıin Eýropada áýe otyny baǵasy rekordtyq deńgeıge jetkenin habarlaǵan edik.