Senatta jerdi tıimdi paıdalanýǵa múmkindik beretin zań qabyldandy

ASTANA. QazAqparat – Búgin Senattyń jalpy otyrysynda «Qazaqstan Respýblıkasynyń keıbir zańnamalyq aktilerine jyljymaıtyn múliktiń biryńǵaı memlekettik kadastry sheńberinde memlekettik kórsetiletin qyzmetterdi tsıfrlandyrý máseleleri boıynsha ózgerister men tolyqtyrýlar engizý týraly» ekinshi oqylymda qaralyp, qabyldandy, dep habarlaıdy QazAqparat tilshisi.

Zań jobasyn qabyldaý turǵyndar men bıznes-qurylymdarǵa jer qory jáne jyljymaıtyn múlik obektileri týraly aqparatty jeńil alýyn qamtamasyz etýge, jer qatynastary ári qala qurylysy salasynda jemqorlyq táýekelderdi tómendetýge, sondaı-aq memlekettik qyzmet kórsetýler boıynsha qosarlanǵan protsesterdi alyp tastaýǵa múmkindik beredi.

«Zań jobasyn qabyldaý nátıjesinde jer ýchaskesine quqyqtardy resimdeý jeńildeıdi. Osy oraıda qyzmetterdi elektrondy formatqa kóshirý arqyly avtomattandyrý, jer ýchaskesine sáıkestendirý sekildi birqatar qujattardy alyp tastaý, jer komıssııasynyń jumysyna ózgerister engizý arqyly kelisimder sanyn azaıtý, túrli ınstantsııalar boıynsha qujattardyń barysyna onlaın monıtorıng júrgizý, qujattardy qaraý jáne kelisý merzimin 1 jyldan 30 kúnge deıin qysqartý qarastyrylyp otyr», - dedi senator Sultan Dúısembınov.

Onyń aıtýynsha, bul qujatqa buryn bolmaǵan uǵymdar engizilmek. Bul turǵyda jarııa kadastrlyq karta, resimdelgen jer ýchaskelerin jáne olardaǵy jyljymaıtyn múlik obektilerin (ǵımarattardy, qurylystardy) vızýalızatsııalaý, sondaı-aq bos jer ýchaskelerin kórsetý quraly eskerilgen. Budan bólek, jer jáne quqyqtyq kadastrlardy júrgizýdi qamtıtyn aqparattyq júıelerdi biriktirý jolymen «Jyljymaıtyn múliktiń biryńǵaı memlekettik kadastry» aqparattyq júıesi, ıaǵnı jer ýchaskeleriniń kadastrlyq esebin jetildirýge baǵyttalǵan biryńǵaı aqparattyq júıe qamtylady.

«Senattyń depýtattarynyń eskertýleri men usynystaryn eskere otyryp, zań jobasyn talqylaý barysynda qujatqa tıisti negizgi baǵyttar boıynsha ózgerister men tolyqtyrýlar engizildi. Zań jobasynyń ataýyna, sondaı-aq jańa uǵymdar jáne keıbir uǵymdardyń ataýlaryna ózgerister engizildi», - dedi S. Dúısembınov.

Óz kezeginde Senat tóraǵasy Máýlen Áshimbaev osy zań arqyly jer ýchaskesine quqyqty elektrondy túrde berý tártibi aıqyndalatynyn aıtty.

«Jerdi barynsha tıimdi paıdalanýǵa jaǵdaı jasaý – memlekettiń aldynda turǵan mańyzdy mindetterdiń biri. Bul rette, jer salasyn tsııarlandyrýdyń bereri mol ekeni sózsiz. Sondyqtan qabyldanǵan zań osy baǵytta jasalǵan naqty qadam. Osy zań arqyly jer ýchaskesine quqyqty elektrondy túrde berý tártibi aıqyndalady jáne jalpy osy saladaǵy memlekettik saıasattyń ashyq bolýy qamtamasyz etiledi. Zań jobasyn qaraý barasynda Senat oǵan qosymsha túzetýler engizdi. Aldaǵy ýaqytta zań jer qatynastary salasyndaǵy memlekettik qyzmetterdi ońtaılandyrýǵa jáne olardyń tıimdiligin arttyrýǵa oń áserin tıgizedi dep senemiz», - dedi Senat tóraǵasy.