Senatorlar sý basqan aımaqtardyń halqymen kezdesti
ASTANA. KAZINFORM — Senatorlar tasqyn sýdan zardap shekken oblystardyń turǵyndarymen kezdesti.
Depýtat Serik Óteshov Qaraǵandy oblysynda óńir aýdandarynyń jaǵdaıymen tanysty.
Senator qorǵanys bógetterin kúsheıtý, oıpat jerlerge maıda tastar men topyraq tógý, qum salynǵan qaptar qoıylǵan ýchaskelerdi qarap shyqty.
Depýtat sondaı-aq Shet aýdanyndaǵy úılerin sý basqan turǵyndarǵa baryp, tasqynnan zardap shekken adamdarǵa kórsetiletin memlekettik qoldaý sharalary týraly aýyl turǵyndaryna aıtyp berdi.
Saǵyndyq Luqpanov Atyraý oblysynda jergilikti atqarýshy organdarmen tasqyn sýǵa daıyndyq barysyn talqylady jáne «Sokolok» arnasymen qatar jańadan ekinshi sý ótkizý arnasyn salýdyń mańyzdylyǵyn atap ótti.
Jańa 24 shaqyrymdyq jeli sýdy qaladan alystatýǵa múmkindik beredi.
Senat depýtaty Lázzat Rysbekova Batys Qazaqstan oblysynda Oral qalasynyń jaǵalaý aýdandarynda qorǵanys bógetterin salý barysyn tekserdi.
Bul aýmaqta bóget salý jumystary belsendi jalǵasýda. Senator sondaı-aq tasqyn sýdan zardap shekken azamattarmen kezdesip, olarǵa evakýatsııalyq pýnktterdiń jumysy jáne birjolǵy materıaldyq kómek alý men úıdi qalpyna keltirýge qujattardy qabyldaý pýnktine qalaı ázirleý kerektigi týraly aıtyp berdi.
