Senatorlar Palata otyrysynyń kún tártibin bekitti

ASTANA. KAZINFORM – Senat spıkeri Máýlen Áshimbaevtyń tóraǵalyǵymen Palata Bıýrosynyń otyrysy ótti. Onda 25 qańtarda ótetin Senat otyrysynyń kún tártibi bekitildi. 

Soǵan sáıkes aldaǵy beısenbide senatorlar «Qazaqstan Respýblıkasynyń Úkimeti men Qatar Memleketiniń Úkimeti arasyndaǵy ınvestıtsııalardy ózara kótermeleý jáne qorǵaý týraly kelisimdi ratıfıkatsııalaý týraly» zańdy qaraıdy. Bul zań ınvestıtsııalyq qyzmetti júzege asyrýǵa qolaıly jaǵdaı qalyptastyrý arqyly taraptardyń ekonomıkalyq yntymaqtastyǵyn jandandyrýǵa arnalǵan.

Sondaı-aq Qujat ótemaqy tóleýdi, halyqaralyq arbıtrajǵa qol jetkizýdi, elderdiń sheteldik ınvestıtsııalarǵa ádil jáne teń qatynasyn qamtamasyz etý arqyly májbúrlep ıelikten shyǵarýdan qorǵaýdy qamtamasyz etedi.

Senat otyrysynda «Qazaqstan Respýblıkasynyń Úkimeti men Sıngapýr Respýblıkasynyń Úkimeti arasyndaǵy Investıtsııalardy kótermeleý jáne ózara qorǵaý týraly kelisimdi ratıfıkatsııalaý týraly» zań da qaralady.

Kelisimniń negizgi mindeti – ınvestorlardyń ınvestıtsııalyq qyzmetti iske asyrýy kezinde olardyń quqyqtarynyń kepildikterin bekitý arqyly yntymaqtastyqtyń quqyqtyq negizin qalyptastyrý.

Sonymen qatar Bıýro otyrysynda Májilisten kelip túsken zańdar Senattyń turaqty komıtetterine bólinip berildi.