Senatorlar Konstıtýtsııalyq sottyń sýdıalarymen kezdesti
Parlamentshiler men Konstıtýtsııalyq sot ókilderi kezdesý barysynda konstıtýtsııalyq is júrgizý aıasyndaǵy ózara is-qımyl máselelerin talqylady. Senat komıtetiniń tóraǵasy Andreı Lýkın óz sózinde osy saladaǵy zań shyǵarý qyzmeti týraly egjeı-tegjeıli aıtyp berdi. Senator jekelegen ózgeristerge de basa nazar aýdardy.
«Qabyldanǵan «Qazaqstan Respýblıkasynyń Konstıtýtsııalyq Soty týraly» Konstıtýtsııalyq zańda Konstıtýtsııalyq Sotty odan ári damytý jáne egjeı-tegjeıli retteý týraly jańalyqtar kórinis tapty. Osydan keıin Konstıtýtsııalyq sottyń quramy jasaqtalyp, onyń ishki qyzmetin uıymdastyrý men tártibin aıqyndaıtyn Reglament qabyldanǵan bolatyn. Osylaısha, osy jyldyń qańtar aıynda Konstıtýtsııalyq Sot jumys isteı bastaǵan kezde jalpy alǵanda onyń qyzmetine qajetti ınstıtýtsıonaldyq negizder jasalyp boldy», - dedi Andreı Lýkın.
Konstıtýtsııalyq Sottyń Tóraǵasy Elvıra Azımova óz kezeginde ınstıtýt qurylǵan kezinen bergi qyzmeti jáne sheteldik áriptesteriniń halyqaralyq tájirıbesi týraly aıtyp berdi.
Andreı Lýkın kezdesý barysynda senatorlar Konstıtýtsııalyq Sottyń sýdıalaryna jan-jaqty qoldaý kórsetýge daıyn ekenin atap ótti.
