Senatorlar dıplomatııalyq qyzmetti jetildirý máselelerin talqylady

NUR-SULTAN. QazAqparat - Senatta Palata tóraǵasynyń orynbasary Asqar Shákirovtiń tóraǵalyq etýimen Halyqaralyq qatynastar, qorǵanys jáne qaýipsizdik komıtetiniń músheleri QR syrtqy saıasat mekemesiniń ókilderimen kezdesip, Qazaqstannyń dıplomatııalyq qyzmetin damytýdaǵy quqyqtyq máseleler men basymdyqtardy talqylady. Bul týraly QazAqparat QR Parlamenti Senatynyń baspasóz qyzmetine silteme jasap habarlaıdy.

Júzdesýde syrtqy ister mınıstriniń birinshi orynbasary Shahrat Nuryshev «Qazaqstan Respýblıkasynyń dıplomatııalyq qyzmeti týraly» zańǵa ózgerister men tolyqtyrýlar engizý týraly» zań jobasyn tanystyrdy.

Odan keıin qazirgi kezde Senatta qaralyp jatqan osy zań jobasy boıynsha pikir almasyldy.

Kezdesýge qatysýshylar dıplomattardyń áleýmettik qorǵalýyn arttyrý qajettigi, olardyń qataryna bilikti jańa mamandardy tartý jáne daıarlaý máselelerin talqylady. Senatorlar sondaı-aq bizdiń dıplomattarǵa shet tilin ıgerý jáne moraldyq-etıkalyq turǵyda qoıylatyn erekshe talaptarǵa qatysty máselelerge nazar aýdardy.

Kezdesýge memlekettik organdardyń, sondaı-aq syrtqy saıasat mekemesine qatysty qurylymdardyń basshylary qatysty.