Senator joldaý týraly: Monoqalalar úshin jańa múmkindikter qarastyrylǵan
«QR Prezıdenti Qasym-Jomart Kemeluly Toqaevtyń Qazaqstan halqyna Joldaýy jańa jaǵdaılarǵa beıimdele otyryp, eldiń áleýmettik, ekonomıkalyq damýynyń negizgi baǵdarlaryn aıqyndaǵan qujat boldy. Basty nysandardyń biri – koronovırýs pandemııasy, oǵan qosa energııa qory baǵasynyń tómendeýi saldarynan týyndaǵan daǵdarys jaǵdaıynda básekege qabiletti ekonomıkany qalyptastyrý. Prezıdenttiń negizgi bastamalarynyń biri – memlekettik apparatty reformalaý. ıAǵnı, eki jyl kóleminde memlekettik qyzmetshiler men kvazımemlekettik sektor ókilderiniń jalpy sanyn 25%-ǵa qysqartý qarastyrylyp otyr», - dedi senator.
Onyń aıtýynsha, Joldaýda óńirlerliń damýyna erekshe kóńil bólingen. «Toqaevtyń «Myqty aımaq - myqty el» atty formýlasy óńirlerdegi ózin ózi basqarý júıesin jetildirip, keńeıte túsý qajettigin dáleldeıdi. Ókiletti organ retinde jergilikti ózin ózi basqarý júıesin damytýǵa arnalǵan jańa kontseptsııa qabyldap, jumysqa qosýda jergilikti maslıhattardyń roline aıryqsha kóńil bólingen. Sonymen qatar, máslıhat depýtattarynyń jumysy men otyrystary tikeleı efırde translıatsııalana otyryp, ashyq túrde júrýi kerek. Máslıhat mindetterine aımaq damýynyń kún tártibinde turǵan negizgi máselelerge qatysty qol jınap, petıtsııa jasaqtaý múmkindikterin qosý josparda bar. Bul qadam máslıhat depýtattarynyń jergilikti bıýdjet shyǵyndaryn baqylap, olardyń aımaq kólemindegi máselelerdi sheshýde belsendiligin arttyrýǵa jol ashady. Monoqalalar úshin jańa múmkindikter qarastyrylǵan. Mundaı eldi mekenderdiń damýy úshin qaladaǵy negizgi kásiporyndar kómekke tartylmaq. Óndiristik potentsıaly joǵary aımaqtar jańa IT-tehnologııalardy tartatyn negizgi ortalyqtarǵa aınalý kerek. Mysal retinde, iri óndiristik kásiporyndar ornalasqan Qaraǵandy oblysy keltirilgen. Meniń oıymsha, Prezıdent pen Úkimettiń qoldaýy aımaqtaǵy joǵary tehnologııaly bilim klasteriniń damýyna yqpal etedi», - dep tolyqtyrdy depýtat.
Sergeı Ershov Joldaýdyń negizgi taqyryby ulttyq ekonomıka men eldiń áleýmettik beıimdiligine baǵyttalǵanyn jetkizdi.
«Bul baǵyttar úshin shaǵyn jáne orta bıznesti damytý, áleýmettik standarttar platformasynyń keńeıtilýi jáne Áleýmettik kodeksti daıyndaý sekildi jańa múmkindikter qarastyrylyp jatyr.
Tótenshe jaǵdaı erejelerinen shaǵyn jáne orta bıznes ókilderi qıyndyqtarǵa tap boldy. Osy rette bıznestiń damýyna jańa múmkindikterdi qarastyra otyryp, salyq týraly zań keshendi túrde qaıta qaralmaq. Otandyq kásipkerler ulttyq ekonomıkanyń qozǵaýshy kúshine aınalý kerek. Sol úshin otandyq bıznestiń ishki jáne syrtqy naryqqa shyǵýǵa arnalǵan tıimdi mehanızmderin qarastyrý mańyzdy. Sondaı-aq, sapaly ekologııalyq zańnamany jasaqtaý negizgi tapsyrmalar qatarynda», - dedi ol.
