Senator «Qaraǵandy-Balqash» tas joly qurylysynyń máselesin kóterdi

ASTANA. QazAqparat - Senator Dáýren Ádilbekov bir top Senat depýtattarynyń atynan Premer-Mınıstr Álıhan Smaıylovtyń atyna avtomobıl joldaryn jańǵyrtý máseleleri týraly saýal joldady, dep habarlaıdy QazAqparat tilshisi.

Depýtat «Qaraǵandy-Balqash» tas jolynyń qurylysyn qarjylandyrý máselesine alańdaýly. Bul tas joldy salýdyń jobalyq-smetalyq qujattamasy 2016-2017 jyldary jasalǵan. Qurylys 2020 jyly aıaqtalýy kerek edi. Bul faktor, sondaı-aq jol-qurylys materıaldary baǵasynyń keıinnen kúrt ósýine, naqtylaı aıtqanda aldyn ala esepteýler boıynsha qurylys jumystary qunynyń 128 mlrd teńgege ósýine ákeldi.

Sonymen qatar, Dáýren Ádilbekov qolda bar qurylys materıaldaryna qatysty kóńil qýantpaıtyn jaǵdaıdy da atap ótti.

Senator sonymen qatar qazirdiń ózinde júrgizilgen jumystardyń nátıjesin joǵaltý qaýpi joǵary ekenin atap ótti. Mysaly, qazir asfalt-beton jabyndysynyń tómengi qabaty ǵana tóselgen ýchaskelerde qozǵalys ashyq tur. Bul onyń mindetti túrde buzylýyna, ıaǵnı asfalttyń joǵarǵy qabatyn salý kezinde problemalarǵa ákelip soǵady.

Depýtattar qurylys jumysynyń barysymen jáne usynylǵan aqparatpen jergilikti jerde tanysqan kezde, jumystyń 2023 jyly josparlanǵan merzimde tıisti sapada aıaqtalýy kúmán týǵyzdy.