Senatqa depýtattardy saılaýǵa qatysý úshin Qaraǵandy oblysynan 200-ge jýyq saılaýshy tirkeldi

QARAǴANDY. QazAqparat – Qaraǵandyda saılaý ýchaskesinde barlyq deńgeıdegi 14 máslıhattyń 191 depýtaty tirkeldi, dep habarlaıdy QazAqparat tilshisi.

Qaraǵandyda Kenshiler mádenıet saraıynyń ǵımaratynda Parlamenttiń joǵarǵy palatasyna saılaý bastaldy. Daýys berýge barlyq deńgeıdegi oblys máslıhattarynyń saılaýshy-depýtattary jınaldy.

Daýys berý protsesi bastalmas buryn saılaý komıssııasynyń músheleri daýys berý jáshikteri men bıýlletenderin tekserdi.

Aldyn ala sanaý boıynsha 206 bıýlleten tirkelgen. Olardyń ishinde eki bıýlleten odan ári joıý úshin mórlendi, sebebi saılaýshy-depýtattardyń jalpy sany aımaq boıynsha 204 adamdy quraıdy. Aýdandar men qalalar bólinisindegi jalpy sany: aýdandyq máslıhattarda Osakarov – 12, Qarqaraly – 12, Aqtoǵaı – 11, Buqar Jyraý – 13, Nura – 11, Abaı – 12, Shet – 13. Sondaı – aq Qalalyq máslıhattardan Qaraǵandy – 29, Shahtınsk – 12, Balqash – 13, Temirtaý – 17, Prıozersk – 11, Saran – 12 jáne Qaraǵandy oblystyq máslıhatynan – 26.

Alaıda, búgin 191 saılaýshy depýtat daýys beredi. 13-i belgili bir sebeppen qatysqan joq.

Qaraǵandy oblysynda Senat depýtattyǵyna jeti kandıdat usynyldy. Úsh kandıdat tirkelgen: oblystyq máslıhat depýtaty, kommertsııalyq qurylymnyń qyzmetkeri jáne qoǵamdyq uıymnyń ókili.

Esterińizge sala keteıik, Memleket basshysynyń Jarlyǵymen QR Parlamenti Senatynyń depýtattaryn saılaý 2023 jylǵy 14 qańtarǵa taǵaıyndaldy.

Senatty qalyptastyrý tártibi QR Konstıtýtsııasynda aıqyndalǵan. Parlamenttiń joǵarǵy palatasynda ár oblystan, respýblıkalyq mańyzy bar qaladan jáne Astanadan eki adam usynylǵan. Senat depýtattary janama saılaý quqyǵy negizinde saılaýshylar – máslıhat depýtattary jasyryn daýys bergen kezde saılanady. Senat depýtattarynyń ókilettik merzimi alty jyldy quraıdy. Bul jaǵdaıda jartysy úsh jyl saıyn qaıta saılanady.