Senat tóraǵasynyń orynbasary qytaılyq áriptesimen kezdesti

BEIJІŃ. QazAqparat - QR Parlamenti Senaty tóraǵasynyń orynbasary Sergeı Gromov Beıjińde Halyq ókilderi búkilqytaılyq jınalysy (HÓBJ) Turaqty komıteti (TK) tóraǵasynyń orynbasary Chjan Pınmen kezdesti, dep habarlaıdy «QazAqparat» HAA-niń Qytaıdaǵy menshikti tilshisi.

«Biz parlamentaralyq baılanystar men ekonomıkalyq ıntegratsııa, ózara ınvestıtsııalar salý máselesin qozǵadyq. Búgin munda eki eldiń kásipkerleriniń qazaqstan-qytaı forýmy ótip jatyr. Sı Tszınpınniń «Bir beldeý-bir baǵyt» bastamasy Elbasy Nursultan Nazarbaev kótergen «Nurly jol» memlekettik baǵdarlamasymen úndesedi. Sońǵy birneshe jyldyń ózinde ǵana bizde 2,5 myń km temirjoldar, 4 myńnan astam km avtomobıl joldary salynyp, birqatary qaıta jóndeýden ótti. Qazaqstan Jibek joly boıynda, Batys Qytaıdan Batys Eýropaǵa qaraı aparatyn jol boıynda óte tıimdi ornalasqan. Sol sebepti bizdiń baǵdarlamalarymyz birlesip, jatsa, odan bizidiń utarymyz kóp»,-dedi S.Gromov qazaqstandyq jýrnalısterge bergen suhbatynda.

Onyń sózinshe, Qytaı tarapynyń shaqyrtýymen QR Parlamentiniń bir top senatorlary Shyńjań Uıǵyr avtonomııaly aýdany men Gýanchjoý qalasy jáne ońtústikqytaılyq Gýandýn provıntsııasynda boldy.