Senat tóraǵasy saılaýda daýys berdi

ASTANA. QazAqparat – QR Parlamenti Senatynyń tóraǵasy Máýlen Áshimbaev saılaýda daýys berdi, dep habarlaıdy QazAqparat tilshisi.

Senat spıkeri Astana qalasyndaǵy Ulttyq akademııalyq kitaphanada ornalasqan №111 saılaý ýchaskesinde óz tańdaýyn jasady.

Atalǵan saılaý ýchaskesi jumysyn tańǵy saǵat 07:00-de bastady jáne onda 2744 daýys berýshi tirkelgen.

Aıta ketsek, Ortalyq saılaý komıssııasynyń málimeti boıynsha, bul kúni 12 mln-ǵa jýyq azamat tańdaý jasaıdy.

Aldyn ala turǵylyqty jeri boıynsha 11 970 406 saılaýshy anyqtaldy. Saılaýshylardyń eń kóbi – 1 177 507 saılaýshy Túrkistan oblysynda, al eń azy – 138 277 saılaýshy Ulytaý oblysynda tirkelgen.

Buǵan deıin atalǵan saılaý ýchaskesinde Premer-Mınıstr Álıhan Smaıylov daýys bergen edi.

Odan bólek, Memlekettik keńesshi Erlan Qarın de №111 saılaý ýchaskesinde óz tańdaýyn jasady.