Senat LGBT-ny nasıhattaýǵa tolyq tyıym saldy
ASTANA. KAZINFORM — Senat «Qazaqstan Respýblıkasynyń keıbir zańnamalyq aktilerine arhıv isi jáne quqyqqa qaıshy kontenttiń taralýyn shekteý máseleleri boıynsha ózgerister men tolyqtyrýlar engizý týraly» Zańdy eki oqylymda qarap, maquldady.
- Zańdy qabyldaý maqsattary arhıv isi salasyndaǵy zańnamany jetildirý, memlekettik arhıvter qyzmetiniń tıimdiligin arttyrý jáne balalardyń quqyqtaryn qorǵaý sanalady, - dedi senator Rýslan Rústemov.
Onyń aıtýynsha, Zańda kelesi novellalar qarastyrylǵan:
- Ulttyq arhıv qory men tujyrymdamalyq apparat quramyn qazirgi kezeńniń, onyń ishinde tsıfrlandyrýdyń shyndyqtaryn eskere otyryp keńeıtý;
- aýyldyq jerde jumys isteıtin arhıv qyzmetkerlerine qosymsha aqy tóleýdiń zańdylyǵy;
- arhıvterge «Ulttyq» mártebesin berý arqyly arhıv salasynyń ımıdjin arttyrý;
- óskeleń urpaqty dástúrli emes jynystyq qatynastar men pedofılııany nasıhattaýdan qorǵaý.
Osylaısha, Zańda 13 zańnamalyq aktige onyń ishinde Eńbek kodeksine, sondaı-aq «Ulttyq arhıv qory jáne arhıvter týraly», «Qazaqstan Respýblıkasyndaǵy balanyń quqyqtary týraly», «Jarnama týraly», «Baılanys týraly», «Agroónerkásiptik keshendi jáne aýyldyq aýmaqtardy damytýdy memlekettik retteý týraly», «Mádenıet týraly», «Bilim týraly», «Derbes derekter jáne olardy qorǵaý týraly», «Balalardy densaýlyǵy men damýyna zardabyn tıgizetin aqparattan qorǵaý týraly», «Kınematografııa týraly», «Onlaın-platformalar men onlaın-jarnama týraly» jáne «Mass-medıa týraly» Zańdarǵa ózgerister men tolyqtyrýlar engizý kózdelgen.
- Bul zań arhıv isi men qujattamany basqarýdyń qoldanystaǵy júıesin jańǵyrtýǵa, ony naqty nátıjege baǵdarlaýǵa – qujattardyń saqtalýyn qamtamasyz etýge, azamattardyń áleýmettik quqyqtaryn qorǵaýǵa yqpal etetin bolady. Budan basqa, óskeleń urpaqty qoǵamymyzǵa tán emes dástúrlerdi nasıhattaýdan qorǵaýdy, Neke jáne otbasy ınstıtýtyn nyǵaıtýǵa negizdelgen dástúrli otbasylyq qundylyqtardy ilgeriletýdi, balalardy otbasylyq qundylyqtardy qurmetteý rýhynda tárbıeleýdi qamtamasyz etedi, - dedi senator.
Onyń aıtýynsha, LGBT-ny nasıhattaýǵa tolyq tyıym salý týraly petıtsııanyń sheshimin oryndaý maqsatynda dástúrli emes jynystyq qatynastar men pedofılııany nasıhattaıtyn buqaralyq aqparat quraldaryn, ádebıetterdi, oıyn-saýyq jáne basqa da is-sharalardy paıdalanýǵa tyıym salý bóliginde tolyqtyrýlar engizildi.
- Pedofılııany jáne dástúrli emes jynystyq qatynastardy nasıhattaý uǵymdary «Qazaqstan Respýblıkasyndaǵy balanyń quqyqtary týraly» Zańynyń 39-babynyń ekinshi jáne úshinshi bólikterimen engiziledi. Halyqaralyq tájirıbeni taldaý kórsetkendeı, álemniń kóptegen elderi ulttyq qundylyqtar men dástúrlerdi qorǵaýdy qamtamasyz etetin zańnamany qabyldady, sonyń ishinde dástúrli otbasy ınstıtýtyn, jasóspirimder men balalardy dástúrli emes jynystyq qatynastardy nasıhattaý men taratýdan qorǵaýdy kózdeıdi, - dedi ol.
Aıta keteıik, buǵan deıin Senat LGBT-ny nasıhattaýǵa tyıym salatyn qujatty talqylaýdy keıinge qaldyrǵan bolatyn.