Senat apparatynyń qyzmetkerlerine mereıtoılyq medal tabys etildi

ASTANA. QazAqparat - Qazaqstan Respýblıkasy Konstıtýtsııasynyń kúni qarsańynda Senat Tóraǵasy Qasym-Jomart Toqaev Qazaqstan Prezıdenti N.Á.Nazarbaevtyń Jarlyǵymen marapattalǵan Senat apparatynyń bir top qyzmetkerlerine «Qazaqstan Konstıtýtsııasyna 20 jyl» mereıtoılyq medalin tabys etti.

«Elbasy óz sózinde Konstıtýtsııany qatań basshylyqqa alý memlekettiń tabysty damýy men qoǵamdaǵy azamattyq kelisimniń negizi dep atap kórsetken bolatyn. Búginde Qazaqstannyń álem memleketterimen terezesi teń túsip, eleýli jetistikterge jetýi Ata zańymyzdyń ómirsheńdigin dáleldep otyr», - dep atap ótti Q.Toqaev.

«Qazaqstan memlekettiginiń zańdyq negizine aınalǵan Konstıtýtsııa qoǵamymyzdaǵy turaqtylyq pen kelisimniń berik irgetasy bolyp tabylady», - dedi Tóraǵa.