Senat Anastasııa Şegortsovany OSK múshesi qyzmetinen bosatty
ASTANA. KAZINFORM — Búgin Senattyń jalpy otyrysynda QR Ortalyq saılaý komıssııasy múshesiniń ókilettigi toqtatylyp, qyzmetinen bosatyldy.
«Senattyń Konstıtýtsııalyq zańnama, sot júıesi jáne quqyq qorǵaý organdary komıteti óz otyrysynda Senat taǵaıyndaǵan QR Ortalyq saılaý komıssııasynyń múshesin qyzmetinen bosatýǵa usynylǵan kandıdatýrany aldyn ala talqylap, onyń nátıjesi boıynsha qorytyndy shyǵardy. Reglament negizinde Parlament Senatyna Anastasııa Gennadevna Şegortsovany Ortalyq saılaý komıssııasy múshesi qyzmetinen bosatýdy usynamyz», — dedi senator Nurlan Beknazarov.
Palata depýtattary atalǵan usynysty qoldap, A. Şegortsovany qyzmetinen bosatty.
Anastasııa Gennadevna 1980 jyly 28 tamyzda Pavlodar qalasynda dúnıege kelgen.
2003 jyly Eýrazııa ulttyq ýnıversıtetin «Saıasattaný» mamandyǵy boıynsha, 2010 jyly «Áleýmettaný» mamandyǵy boıynsha magıstratýrany aıaqtady.
Eńbek qyzmeti:
2003-2007 jj. — Astana qalasynyń Іshki saıasat departamenti (taldaý jáne monıtorıng bóliminiń bas mamany, taldaý jáne monıtorıng bóliminiń jetekshi mamany, departament dırektorynyń orynbasary);
2007-2010 jj. — Qazaqstan Respýblıkasy Mádenıet jáne aqparat mınıstrligi Taldaý jáne monıtorıng departamentiniń dırektory;
2010-2013 jj. — Qazaqstan Respýblıkasy Mádenıet mınıstrliginiń Til komıteti tóraǵasynyń orynbasary;
2013-2014 jj. — «Qazmedıa ortalyǵy» BK» JShS Bas dırektorynyń strategııalyq josparlaý jáne taldaý jumysy jónindegi orynbasary;
2014-2017 jj. — L. N. Gýmılev atyndaǵy Eýrazııa ulttyq ýnıversıteti «Saıasattaný» kafedrasynyń oqytýshysy;
2017-2018 jj. — «Ortalyq kommýnıkatsııalar qyzmeti» RMM dırektory;
2018 jyly — «Qazkontent» AQ Basqarma tóraǵasynyń orynbasary;
2018-2019 jj. — Qazaqstan Respýblıkasy Ortalyq saılaý komıssııasynyń BAQ jáne úkimettik emes uıymdarmen ózara is-qımyl bóliminiń meńgerýshisi;
2019 jylǵy 7 qarashada — Qazaqstan Respýblıkasy Ortalyq saılaý komıssııasynyń múshesi bolyp saılandy;
2021 jylǵy 29 qyrkúıek — 2022 jylǵy 30 naýryz — Qazaqstan Respýblıkasy Ortalyq saılaý komıssııasynyń hatshysy.
2022 jylǵy 30 naýryzda — Qazaqstan Respýblıkasy Ortalyq saılaý komıssııasynyń múshesi.
Budan buryn habarlanǵandaı, búgin Memleket basshysynyń Jarlyqtarymen QR Ortalyq saılaý komıssııasynyń jańa eki múshesi taǵaıyndaldy.
