Senat 3 jyldyq bıýdjetke túzetýler engizip, Májiliske qaıtardy
Zań jobasyn talqylaý barysynda Senattyń Qarjy jáne bıýdjet komıtetiniń tóraǵasy, senator Serikbaı Turymov, eń aldymen, qazirgi kezdegi bıýdjetaralyq qoldanystaǵy ádisteme óńirlerdiń áleýmettik-ekonomıkalyq parametrlerin naqty teńestirýdi qamtamasyz etý maqsatynda odan ári jetildirýdi talap etetinin atap ótti.
«Ekinshiden, óńirlerge úlken qarjylyq derbestik berý, bıýdjettik protsesterdiń ashyqtyǵyn qamtamasyz etý jáne óńirler basshylarynyń qarjylyq máselelerdegi jaýapkershiligin arttyrý maqsatynda qoldanystaǵy salyq jáne bıýdjet zańnamasyna ózgerister engizý qajet dep esepteımiz. Osy zań jobasyn talqylaý barysynda turaqty komıtetter men depýtattardan birneshe usynys kelip tústi. Olar salystyrmaly kestege engizildi. Baıandalǵannyń negizinde Qarjy jáne bıýdjet komıteti salystyrmaly kesteni qaraýdy jáne «Respýblıkalyq jáne oblystyq bıýdjetter, respýblıkalyq mańyzy bar qala, astana bıýdjetteri arasyndaǵy 2023-2023 jyldarǵa arnalǵan jalpy transfertterdiń kólemi týraly» zań jobasyna ózgerister engizý úshin Májiliske jiberýdi usynady», - dedi Serikbaı Turymov.
Osydan keıin zań jobasyna Májilis maquldaǵan baptar qabyldandy. Sonymen qatar Senat engizgen túzetýler Májiliske jiberildi.
