Semserlesýden jastar arasyndaǵy el chempıondary anyqtaldy

ASTANA. KAZINFORM – Shymkentte semserlesýden 23 jasqa deıingi sportshylar arasynda Qazaqstan chempıonaty ótip jatyr. 

Ulttyq olımpıadalyq komıtettiń málimetinshe, shpagamen semserlesýden erler arasynda Aleksandr Fedotov top jardy. Qyzdar arasynda almatylyq Marııa Lesovskaıa altyn medal ıelendi.

Erler arasyndaǵy komandalyq synda Shyǵys Qazaqstan oblysy kósh bastady. Áıelder arasynda komandalyq jarys Almaty komandasynyń jeńisimen aıaqtaldy.

Aıta ketelik, buǵan deıin kadetter men jasóspirimder arasyndaǵy el birinshiligi máresine jetken bolatyn.