Semserlesýden lıtsenzııalyq jarysqa kimder barady

ASTANA. KAZINFORM – 27-28 sáýir kúnderi Birikken Arab Ámirlikteriniń Fýdjeıra qalasynda semserlesýden ótetin Azııa aımaqtyq irikteý týrnırinde el namysyn qorǵaıtyn qazaqstandyq sportshylar belgili boldy.

QR Ulttyq olımpıadalyq komıteti málim etkendeı, tórtjyldyq dodasyna joldama beretin jarysqa 28 eldiń sportshylary qatysady. Olardyń qatarynda Qazaqstannan 5 sportshy synǵa túsedi.

Qazaqstan atynan tómendegi sportshylar baq synaıdy:

Áıgerim Sarybaı - semser

Artem Sarkısıan - semser

Sofııa Nıkolaıchýk - shpaga

Ǵalym Nurymov - rapıra

Sofııa Aqtaeva - rapıra

Aıta ketelik, munda árbir qarý túrinen bir joldamadan oınatylady. Sondyqtan, Parıj Olımpıadasyna joldama alý úshin tek qana birinshi oryn ıelený kerek.