Semınarda jańartylǵan bilim berý mazmunyndaǵy oqýlyqtar talqylandy - Qyzylorda
Qazaqstan Respýblıkasy Bilim jáne ǵylym mınıstrliginiń 2017 jylǵy 31 qazandaǵy «Jańartylǵan bilim berý mazmunyn pılottyq engizý týraly» №556 buıryǵyna sáıkes oqý baǵdarlamalaryn, oqýlyqtar men oqý - ádistemelik keshenderdi synaqtan ótkizýdi ádistemelik súıemeldeý maqsatynda aımaqtarda pedagogtar qaýymyn 3, 6 jáne 8- synyptarǵa arnalǵan oqýlyqtardyń tujyrymdamasymen , qurylymy jáne mazmunymen tanystyrý sharalary iske asyrylýda.
Osy maqsatta oblysqa eki kúndik saparmen «Oqýlyq» respýblıkalyq ǵylymı-praktıkalyq ortalyǵynyń dırektory Beıbitkúl Kárimova , Nazarbaev zıtkerlik mektepteri derbes bilim berý uıymdary Bilim berý baǵdarlamalar ortalyǵynyń bólim basshysy Jańabaı Abýov, Y.Altynsarın atyndaǵy Ulttyq bilim akademııasynyń orta bilim ınstıtýtynyń dırektory Qaıyrjan Rahymjanov jáne «Atamura», «Mektep», «Almaty» «Kitap», «Jazýshy», «Bilim», «Arman PV», «Kókjıek gorızont», «Keleshek-2030» NZM, «MACMILLAN» «EXPRES» «CAMBRIDG» «OXFORD» baspalarynyń respýblıka boıynsha 70-ke jýyq oqýlyqtary men oqý-ádistemelik keshenderdiń jáne oqý quraldarynyń avtorlary keldi.
Atalǵan sharaǵa oblys boıynsha 500-ge jýyq bilim salasynyń mamany, ádiskerleri, tıisti pán muǵalimderi qatysyp, keler oqý jylynda bilim berý uıymdaryna «Jańartylǵan bilim berý mazmuny aıasynda engiziletin oqý baǵdarlamalary men 3,6,8 synyp oqýlyqtaryn talqylaýda.
Búgingi kún - bilim berý mazmunyna, oqýshy men pedagog tulǵasyna jáne qyzmetine degen kózqarastardyń túbegeıli ózgeriske bet buryp otyrǵan kezeń. Osyǵan oraı, qazirgi kezde bilim berý júıesinde jasalyp jatqan reforma barlyq deńgeılerdegi bilim mazmunyn jańartýǵa baǵyttalǵan. Qazaqstannyń bilim berý júıesi sanǵa ǵana emes, sapaǵa negizdelýi - búgingi kún talaby.
Jańartylǵan bilim mazmuny negizinde daıyndalǵan úlgilik oqý josparyna 2016-2017 oqý jylynda birinshi synyptar, bıylǵy oqý jylynda 2,5,7-shi synyptar kóshse, kelesi oqý jylynda 3,6,8-synyptar oqytylatyn bolady.
Elimizde jańartylǵan oqý baǵdarlamalaryn ázirleý jáne synaqtan ótkizý boıynsha jumystar júrgizilýde. Respýblıka boıynsha 30 pılottyq mektep synaqtan ótkizilse, oblys boıynsha 2 mektep qatysyp, bıyl balalar 3-synypqa ótti.
Jańartylǵan bilim mazmuny boıynsha oqytýdyń negizgi baǵyty - bilim mazmunyn baǵalaý jáne oqýlyqtar men oqý-ádistemelik keshenderdi saraptaý arqyly bilim berý sapasyn qamtamasyz etý. Semınarda bastaýysh, negizgi orta, jalpy orta bilim berý pánderi boıynsha oqý baǵdarlamalarynyń tanystyrylymy bolady. Sondaı-aq tıptik oqý baǵdarlamalaryn ázirleýshiler, baspa úıiniń avtorlyq ókilderi -oqýlyqtardyń avtorlarymen 17 pán boıynsha sektsııa jumystary ótkiziledi.
Eske sala keteıik, Elbasy Ult jospary - bes ınstıtýtsıonaldyq reformany júzege asyrý jónindegi 100 naqty qadam eńbeginiń birneshe qadamynda bilim salasy máselelerin sheshýge arnaǵan bolatyn.
Ondaǵy 76-qadamda: EYDU elderi standarttarynyń negizinde adam kapıtalynyń sapasyn kóterý, 12 jyldyq bilim berýdi kezeń-kezeńimen engizý aıtyldy. Sondaı-aq, fýnktsııalyq saýattylyqty damytý úshin mekteptegi oqytý standarttaryn jańartý máselesi kóterildi. Joǵary synyptarda janbasylyq qarjylandyrýdy engizý, tabysty mektepterdi yntalandyrý júıesin qurý mindeti qoıyldy. Munan ózge79-qadamda: Bilim berý júıesinde joǵary synyptar men JOO-larda aǵylshyn tilinde oqytýǵa kezeń-kezeńmen kóshý. Daıarlanatyn kadrlardyń qabiletin arttyrý jáne bilim berý sektorynyń áleýetin kóterý jaıy qozǵalǵan edi.
