Semeı túrmesindegi «sottalǵandardy jappaı kóshirý» týraly aqparat shyndyqqa janaspaıdy

SEMEI. KAZINFORM – Áleýmettik jelide Semeıdegi kolonııalardyń birinde sottalǵandardy jappaı basqa jaqqa alyp ketip jatqany týraly aqparat tarady. QR ІІM Qylmystyq-atqarý júıesi komıtetinen bul aqparattyń shyndyqqa janaspaıtynyn málim etti. 

Biraq túrmede otyrǵan er adamnyń kóz jumǵany ras bolyp shyqty. 

– Zorlaý qylmysy úshin sottalǵan azamat kenet ózin nashar sezinip, mekemeniń medıtsınalyq bólimine júgingen. Dárigerler oǵan alǵashqy medıtsınalyq kómek kórsetken soń dereý jedel járdem shaqyrdy. Alaıda er adam aýrýhanada qaıtys boldy. Aldyn ala málimet boıynsha, ólimniń sebebi – ınsýlt, - delingen habarlamada. 

Komıtet áleýmettik jelide taraǵan «sottalǵandardy jappaı kóshirý» týraly aqparattyń shyndyqqa sáıkes kelmeıtinin málim etti. 

Sonymen qatar vedomstvo ókilderi jalǵan aqparat taratqandardyń zań aldynda jaýapqa tartylatynyn eskertip, halyqty tek resmı derekkózderge senýge shaqyrdy.

Eske salsaq, osyǵan deıin Astanada túrmeden bosatylǵan azamattarǵa 15 AEK kóleminde kómek beriletini habarlanǵan.