Semeıde turǵyn úı órtenip, 15 adam evakýatsııalandy

SEMEI. QazAqparat – Semeı qalasyndaǵy Gete kóshesiniń boıynda on qabatty turǵyn úıden tús kezinde órt shyqqan, dep habarlaıdy QazAqparat Semeynews.kz saıtyna silteme jasap.

Úshinshi qabattyń balkonynda aǵash bólshekter, tereze blogy, jıhaz jáne basqa da zattar janǵan. Órt sóndirýshiler kópqabatty turǵyn úıdiń 15 turǵynyn evakýatsııalaǵan, onyń altaýy – bala.

Órt alty sharshy metr aýmaqty sharpyǵan. Otty abaısyz paıdalanǵannan shyǵýy múmkin degen boljam bar.

Vıdeodan alynǵan kadr