Semeıde sıntetıkalyq esirti saýdasymen aınalysqandar ustaldy

SEMEI. KAZINFORM – Semeı qalasynda sıntetıkalyq esirti saýdasymen aınalysqandar ustalyp, 1500-den astam bir rettik doza tárkilendi.

Semeılik polıtseıler sıntetıkalyq esirtkini iri mólsherde satýmen aınalysqandardyń jolyn kesti. Ustalǵan eki adamnyń úılerin tintý kezinde salmaǵy 500 gramnan asatyn «mefedron» psıhotroptyq zaty tárkiledi. Kúdiktilerdiń qylmystyq bızneske qatysy baryn rastaıtyn uıaly telefondar tabyldy.

Osynyń nátıjesinde, 1500-den astam bir rettik doza aınalymǵa jiberilmedi. Olardyń «qara naryqtaǵy» quny 20 mln teńgeden asady.

«Atalǵan fakti boıynsha qylmystyq is qozǵaldy. Kúdiktiler ýaqytsha ustaý ızolıatoryna qamaýǵa alyndy. Er adamdar on bes jylǵa deıin bas bostandyǵynan aıyrylýy múmkin», - deıdi Abaı oblysy PD bastyǵynyń orynbasary Narıman Kúldikov.