Semeıde órt sóndirýshiler eki gaz ballonynyń jarylý qaýpiniń aldyn aldy

SEMEI. QazAqparat -  Búgin túngi saǵat birlerde Áýezov dańǵylynyń boıynda eki qabatty turǵyn úıdiń aýlasyndaǵy garajdan órt shyqty, dep habarlaıdy QazAqparat ShQO Tótenshe jaǵdaılar departamentine silteme jasap.

Ǵımarattyń tóbesindegi aǵash qurylymdar jana bastaǵan. Órt sóndirýshiler birneshe mınýttyń ishinde kelgen. Oqıǵa ornynda olardy garajdyń ıesi kútip turǵan. Ol órt sóndirýshilerge kógildir otyny bar ballon týraly habarlaǵan.

Olar otqa oranǵan ǵımarattyń ishine kirip, 27 lıtrlik 2 ballondy alyp shyǵady. Sondaı-aq órtti sóndirip ári kórshi turǵan garajdardy qorǵaýmen aınalysqan. Tilsiz jaý bir saǵattyń ishinde tolyqtaı aýyzdyqtaldy. Eshkim zardap shekken joq.

Jalyn 30 sharshy metr aýmaqty sharpydy. Onyń neden shyqqan anyqtalyp jatyr. Tilsiz jaýmen kúreske 8 órt sóndirýshi men 2 tehnıka jumyldyryldy.