Semeıde oqýshy qyz soqqyǵa jyǵyldy
Polıtseıler Semeı qalasynyń áleýmettik jelilerine monıtorıng júrgizý barysynda vıdeojazba anyqtaǵan. Onda qala mektepteriniń birinde oqıtyn oqýshy qyzdar ózge oqýshy qyzǵa dene jaraqatyn salyp jatqan.
«Oqıǵa 10 sáýir kúni Semeı qalasynda bolǵan.
Búgin, ıaǵnı 15 sáýir osy fakt boıynsha QR Qylmystyq kodeksiniń 293-baby boıynsha sotqa deıingi tergeý bastaldy.
Janjaldyń barlyq qatysýshylary anyqtalyp, zańdy ókilderimen birge polıtsııa bólimine jetkizildi.
Qazir ata-analardyń, psıhologtardyń qatysýymen tergeý sharalary júrgizilip jatyr.
Qalǵan aqparat tergeý múddesinde, QR QІJK-niń 201-babyna sáıkes jarııa etýge jatpaıdy», - delingen málimette.
Sondaı-aq polıtseıler kórineý jalǵan aqparat taratqany úshin 3 jylǵa deıingi merzimge bas bostandyǵynan aıyrý jazasy qarastyrylǵanyn eske saldy.
Eske salaıyq, naýryz aıynyń sońynda ADK saýda úıiniń ájethanasynda kolledjde oqıtyn boıjetken soqqyǵa jyǵylǵan bolatyn. Keıin áleýmettik jelide boıjetkendi urǵan oqýshy qyzdyń ákesi Antıkorda qyzmet etetini jaıly aqparat taraı bastady.
Keıin áleýmettik jelide boıjetkendi urǵan oqýshy qyzdyń ákesi Antıkorda, anasy Óskemen qalalyq bilim bóliminde qyzmet etetini jaıly aqparat taraı bastady. Biraq QR Sybaılas jemqorlyqqa qarsy is-qımyl agenttigi Shyǵys Qazaqstan oblysy boıynsha departamentiniń basshysy Denıs Shakenov tóbeleske qatysqandardyń eshbiriniń ákesi Antıkor qyzmetkeri emes ekendigin málim etti.
QazAqparat tilshisi ShQO Bilim basqarmasynan bilgendeı, tóbeles shyǵarǵan qyzdyń anasy rasymen Óskemen qalalyq bilim bóliminde qyzmet etken. Biraq ol osy oqıǵadan keıin óz erkimen jumystan ketken.
