Semeıde kóshe ortasynda avtobýs tolyqtaı janyp ketti

SEMEI. QazAqparat – Semeı qalasynda kóshe ortasynda avtobýs tolyqtaı janyp ketti, dep habarlaıdy QazAqparat tilshisi.

Qala ákimdiginiń málimetine súıensek, oqıǵa 18 qarasha kúni túski ýaqytta bolǵan.

Saǵat 14.56-da qutqarýshylarǵa Áýezov dańǵylynda avtobýstyń janyp jatqany týraly habar túsken. Sol jerge birden órt sóndirýshiler attandy.

«Belgili bolǵandaı, bul avtobýs «Vostok Broıler» kompanııasy tıesili. Qutqarýshylar kelip jetkenshe ol tolyqtaı janyp ketken. Júrgizýshiniń aıtýynsha, ishte otyrǵan 3 adam óz betimen syrtqa shyǵyp úlgerdi. Oqys oqıǵa saldarynan zardap shekken eshkim joq», - delingen aqparatta.

Aıta keteıik, órt saǵat 15.19-da aýyzdyqtaldy.

Vıdeodan alynǵan kadr