Semeıde kásipker buzbaq bolǵan kóne ǵımaratqa eskertkish mártebesi berildi
«Shahardyń kórkin ashatyn, erekshe sáýlettik stılin saqtaǵan kóne ǵımarattar talaı tarıhı oqıǵalardyń kýási bolǵan. Álbette, múmkindiginshe olardyń sulýlyǵy men biregeıligin saqtaý - bizdiń mindetimiz. Jýyqta bul másele qalalyq ákimdiktiń keńeıtilgen apparat otyrysynda qaralǵan edi», - dedi qala ákimi Baqytjan Baıahmetov.
Ákim birneshe sáýlettik eskertkishti aralap qaıtqan. Sonyń biri – 19-ǵasyrdyń birinshi jartysynda salynǵan munaraly meshit.
«Meshitke jóndeý jumystaryn júrgizý qajet. Osy rette, áli qujattardy rásimdep, tarıhı nysandy balansqa alý qajet. Sondaı-aq Naımanbaev kóshesi, 187 mekenjaıyndaǵy kezindegi kópes úıine bardym. Bul ǵımaratqa taıaýda sáýlettik eskertkish mártebesi berilgen. Kirpishten salynǵan ásem úı jóndeýden ótken. Aıta ketý kerek, Semeıde budan basqa da kóptegen sáýletti eski ǵımarattar saqtalǵan. Biraq, ókinishke qaraı, menshik ıeleri eskertkishterdi qorǵaý týraly zańnamany saqtamaıdy», - deıdi shahar basshysy.
Esterińizge sala ketsek, Semeıde jeke kásipkerdiń tarıhı ǵımaratty buzbaq bolǵandyǵy úlken rezonans týdyrǵan bolatyn.
