Semeıde qala polıgonynyń aýmaǵy qorshalatyn boldy
Qala ákimdiginiń málimetine súıensek, búginde semeılikterdi alańdatyp otyrǵan eń ózekti máselelerdiń biri - qoqys jáne turmystyq qatty qaldyqtarǵa arnalǵan polıgonnyń jaı-kúıi.
«Búgin Semeı qalasynyń ákimi Nurbol Nursaǵatov polıgonǵa baryp, obektiniń irgeles aýmaǵyn tıisti sanıtarlyq jaǵdaıǵa keltirýdi tapsyrdy. Polıgon aýmaǵynan tys jerge qoqys jelmen taralmas úshin qoqys bıiktigin eki ese arttyra otyryp, bólingen ýchaskeniń aınalasyna torly qorshaý ornatylmaq», - delingen aqparatta.
Sonymen qatar qalanyń kvartalishilik aýmaqtarynan qatty turmystyq qaldyqty shyǵarý máselesin sheshý úshin N.Nursaǵatov konteınerlik alańdardy, jańa formattaǵy konteınerler sanyn ulǵaıtýdy tapsyrdy.
Ákim qatty turmystyq qaldyqtardy shyǵarý úshin qosymsha tehnıka satyp alý qajettigin de aıtty.
