Semeıde ınternet alaıaqtyq 7 paıyzǵa ósti
Bul jaıly onlaın formatta ótken baspasóz brıfıngi barysynda Semeı qalalyq Polıtsııa basqarmasy krımınaldyq polıtsııa bóliminiń bastyǵy Dáýlet Belıbaev málimdedi.
«Jyl basynan beri Semeıde 530 alaıaqtyq faktisi tirkelgen. Bul jalpy qylmystyń 22%-y. Sondaı-aq bıyl ınternet alaıaqtyq 7 paıyzǵa artyp otyr. Ǵalamtor arqyly jasalatyn qylmystardyń aldyn alý úshin halyq arasynda túsindirý jumystary júrgizilýde. Polıtsııa qyzmetkerleri jumysynyń tıimdiligin arttyrý maqsatynda ár toqsan saıyn jedel-profılaktıkalyq sharalar qolǵa alynyp jatyr», - dedi ol.
Onyń aıtýynsha, 2021-2022 jyldarǵa arnalǵan aqparat tehnologııalaryn paıdalana otyryp jasalatyn qylmystarǵa qarsy is-qımyl jónindegi vedomstvolyq baǵdarlama iske asyrylýda. Soǵan oraı qalalyq Polıtsııa basqarmasynda ınternettegi qylmystardy ashý boıynsha mamandandyrylǵan jedel-tergeý toby qurylǵan.
Aıta keteıik, ınternet alaıaqtyqtyń eń kóp taralǵan tásili - bul saıttaǵy habarlandyrý boıynsha taýarǵa nemese qyzmetke aldyn ala tólem suraý bolyp otyr.
