Semeıde 400 oryndyq jataqhana ashyldy
Kólemi 6 myń sharshy metr aýmaqty alyp jatqan Stýdentter úıiniń qurylysy ótken jyly jazda bastalǵan. Nysandy salýǵa 1 jarym mıllıard teńge ınvestıtsııa jumsalǵan. Erekshe atap óterligi, bul - sońǵy 30 jyl ishinde óńirde tolyq ýnıversıtettiń óz qarajatyna salynǵan tuńǵysh jataqhana.
«Ár bólmede 3 adamnan turady. Jataqhana zamanaýı as bólmesimen, kovorkıng-zonalarmen, medıtsınalyq kabınettermen, Wi-Fi jelisine qosylǵan kitaphanamen, fıtnes zalmen jabdyqtalǵan. Memleket basshysy Qasym-Jomart Toqaev «jańadan qurylǵan Abaı oblysynyń ortalyǵy – Semeı qalasynyń ınfraqurylymyn tez arada kóterý kerek, buǵan bárimiz atsalysýymyz qajet» dedi. Jataqhananyń ashylýy sol aıtylǵan sózge naqty jaýap, qalany damytýǵa bizdiń qosqan úlesimiz dep bilemin», - deıdi Álıhan Bókeıhan ýnıversıtetiniń rektory Shyryn Qurmanbaeva.
Stýdentter úıiniń ashylý saltanatyna Ǵylym jáne joǵary bilim mınıstri Saıasat Nurbek arnaıy qatysty.
«Búgingi shara óte mańyzdy. Ýnıversıtet úshin, óńir úshin ǵana emes, joǵary bilim salasy úshin. Nelikten? Qazir elimizde demokratııalyq ósim bar. Sondyqtan úlken jataqhanalarǵa, akademııalyq ınfraqurylymǵa tapshylyq paıda boldy. Qazir elimiz boıynsha 55 myń oryndyq jataqhanaǵa suranys bar. Prezıdenttiń jyl saıyn 10 myń oryndyq jataqhana salý jóninde tapsyrmasy bar. 2029 jylǵa deıin 70 myń oryndyq jataqhana salynady» dedi mınıstr.
Álimhan Álıhanuly
