Semeıde 237 otbasyǵa páter kilti tabystaldy
SEMEI. KAZINFORM – Konstıtýtsııa kúni qarsańynda «Qaraǵaıly» shaǵyn aýdanynda páter kiltteri saltanatty túrde tabystaldy.
Semeı qalasynyń ákimi Nurbol Nursaǵatov jańa baspana ıelerin quttyqtady.
– Barshańyzdy Qazaqstan Respýblıkasynyń Konstıtýtsııasy kúnimen quttyqtaımyn! Búgin kópbalaly otbasylar, erekshe qajettilikteri bar azamattar, bıýdjet salasynyń qyzmetkerleri men ata-ana qamqorlyǵynsyz qalǵan balalar jańa páterdiń ıegerleri atanyp otyr. Memleket basshysynyń qoldaýymen keıingi jyldary qurylys qarqyny aıtarlyqtaı artyp, kóptep turǵyn úı salyndy. Búgin 237 páterdiń kilti tabystaldy. Bıyl naýryzda da osy shaǵyn aýdanda kezektegi azamattarǵa 77 páterdiń kilti tabystalǵan edi. Ótken jyly 211 otbasy jańa baspana aldy. Bul - áleýmettik ádilettiliktiń jarqyn kórinisi, halyqtyń turmys jaǵdaıyn jaqsartýdaǵy ıgi qadam, - dedi ol.
