Semeıde 13 kóppáterli turǵyn úı salynbaq
SEMEI. KAZINFORM - Semeıde taǵy bir kópfýnktsıonaldy keshen paıda bolmaq. Keshendi «Lokomotıv» stadıonynyń aýmaǵynda salý oılastyrylýda, dep habarlaıdy Abaı oblysy ákimdiginiń baspasóz qyzmeti.
«Semeı qalasynyń qurylys bólimi» MM basshysy Rýslan Saqtaǵanov Abaı oblysynyń óńirlik kommýnıkatsııalar qyzmetinde ótken baspasóz konferentsııasynda turǵyn úı sektorynda da qurylys qarqynyn belsendi damytý jalǵasyp jatqandyǵyn atap ótti.
- 2023 jyly 21 kóppáterli turǵyn úıdiń qurylysy bastaldy jáne jobalar aýyspaly bolyp tabylady. Sondyqtan qurylys áli de jalǵasýda. Salynyp jatqan úılerdi 3-toqsanda paıdalanýǵa berý josparlanǵan. Jıyrma bir úıde 1 352 páter bolady dep eseptelingen. Barlyq páterlerdiń jalpy aýdany 82 myń sharshy metr, - dedi Rýslan Saqtaǵanov.
Sondaı-aq, bólim basshysy Semeıde turǵyn úılerden basqa mektepter de salynyp jatqanyn jetkizdi.
- Aǵymdaǵy jyldyń 2 toqsanynda 712 páterli 13 kóppáterli turǵyn úı qurylysyn bastaý josparlanýda. Qurylys negizinen qaladaǵy eń belsendi damyp kele jatqan Qaraǵaıly shaǵyn aýdanynda júrgiziledi. Sonymen qatar, 1 300 oryndyq mekteptiń qurylysy bastaldy. Vodnyı kentinde taǵy bir mektep salynýda, budan basqa aǵymdaǵy jyly Aqsaı, Shyǵys kentterinde jáne Qaraǵaıly shaǵyn aýdanynda taǵy úsh bilim berý mekemesiniń qurylysy bastalady. 2023 jyly Semeı qalasynyń ákimdigi men «Qazmınerals-Demeý» korporatıvtik qory arasyndaǵy kelisim boıynsha Zarıa shaǵyn aýdanynda 1200 oryndyq mektep qurylysy bastaldy, - dep tolyqtyrdy Rýslan Saqtaǵanov.
