Semeı turǵynyna bótenniń kóligin 4 mln teńgege satyp jibergen elordalyq ustaldy

SEMEI. QazAqparat – Semeı qalasynyń turǵynyna bótenniń kóligin 3 900 000 teńgege satyp jibergen elordalyq ustaldy, dep habarlaıdy QazAqparat tilshisi.

Qalalyq Polıtsııa basqarmasy baspasóz qyzmetiniń málimetine súıensek, polıtsııaǵa habarlasqan er adam alaıaqtyń arbaýyna ilikkenin jetkizdi.

«Anyqtalǵandaı, jábirlenýshi beıtanys bireýden 3 900 000 teńgege Toyota markaly avtokólikti satyp alǵan. Alaıda kólik múlde basqa adamnyń atynda bolyp shyqty. Krımınaldyq polıtsııa bóliminiń qyzmetkerleri jedel-izdestirý sharalary barysynda Nur-Sultan qalasynyń 29 jastaǵy turǵynyn ustady», - delingen aqparatta.

Qazirgi ýaqytta atalǵan fakti boıynsha QR Qylmystyq Kodeksiniń 190-baby 3-bóligimen sotqa deıingi tergeý amaldary júrgizilýde.