Semeı, Óskemen jáne Kókshetaýda JEO qurylysy qashan bastalady
ASTANA. KAZINFORM – Energetıka mınıstri Almasadam Sátqalıev Semeı, Óskemen jáne Kókshetaý qalalarynda jańa jylý elektr ortalyqtarynyń qurylysy qashan bastalýy múmkin ekenin aıtty.
«Kókshetaý qalasy boıynsha tehnıkalyq-ekonomıkalyq negizdemege túzetýler engizilip jatyr. Sóz barynsha úlken progress, osy jyldan-aq qurylysty bastaý múmkindigi jaıynda bolyp otyr. Qalǵan jobalar boıynsha tehnıkalyq-ekonomıkalyq negizdeme ázirleý aıaqtalýǵa jaqyn. Onyń qorytyndysynda tehnıkalyq sheshim bekitilip, tıisti zaýyttardan jabdyqtarǵa tapsyrys beriledi», - dedi mınıstr Úkimet otyrysynan keıingi brıfıngte BAQ ókilderiniń saýalyna oraı.
Ótken jyldyń qarashasynda Qazaqstan men Reseı Energetıka mınıstrlikteri arasynda Kókshetaý, Semeı jáne Óskemen jylý elektr ortalyqtaryn salý jobalary boıynsha yntymaqtastyq jónindegi ózara túsinistik memorandýmyna qol qoıylǵan bolatyn.
