«Semeı ormany» rezervaty tehnıkasynyń 80 paıyzy tozǵan
«Aýyl sharýashylyǵy mınıstriniń 2015 jyldyń 20 shildedegi «Memlekettik orman qory ýchaskelerinde orman qoryn kúzetý, qorǵaý, paıdalaný, ormandardy molyqtyrý jáne orman ósirý jónindegi normalar men normatıvterdi bekitý týraly» 18-02/664 buıryǵyna sáıkes, rezervattyń jabdyqtalýy 92 paıyzdy quraıdy. Amortızatsııalyq tozýyna baılanysty tehnıka men jabdyqtardyń 80 paıyzy esepten shyǵarýǵa jatady», - dep atap ótedi mınıstrlik agenttiktiń resmı saýalyna bergen jaýabynda.
Vedomstvonyń atap ótýinshe, qazirgi ýaqytta Qazaqstan Úkimetiniń 2023 jyldyń 15 maýsymyndaǵy qaýlysymen azamattyq qorǵaý salasyndaǵy 2023 -2027 jyldarǵa arnalǵan birinshi kezektegi is-sharalardyń keshendi jospary (budan ári - keshendi jospar) bekitildi.
2023-2027 jyldarǵa arnalǵan respýblıkalyq bıýdjetten orman sharýashylyǵy men erekshe qorǵalatyn tabıǵı aýmaqtardyń muqtajdyqtaryna arnalǵan keshendi jospar boıynsha qarjylandyrýdyń jalpy qajettiligi 68,5 mlrd teńgeni quraıdy. Erekshe qorǵalatyn tabıǵı aýmaqtardy materıaldyq-tehnıkalyq qamtamasyz etýdi nyǵaıtý jónindegi birinshi kezektegi ás-sharalarǵa arnalǵan keshendi jospar aıasynda osy jylǵa 8,2 mlrd teńge kózdelgen. Onyń ishinde rezervat úshin 1,4 mlrd teńge (órt sóndirý avtomobıli - 15 birlik, shaǵyn orman patrýldik kesheni – 14 birlik, jyljymaly kólik quraly tirkemesi – 3 birlik, órt tirkeme bóshkesi - 8) qarastyrylyp otyr. 2027 jylǵy 31 jeltoqsanǵa deıingi kezeńde tabıǵat qorǵaý jáne orman mekemeleriniń materıaldyq-tehnıkalyq jaraqtandyrylýyn laıyqty deńgeıge deıin jetkizý kózdelgen.