«Semeı ormany» rezervatynda ormanshylar bir mezette 10 jerdegi órtpen kúresip jatyr
SEMEI. KAZINFORM – «Semeı ormany» memlekettik orman tabıǵı rezervatynda ormanshylar bir mezette 10 jerde shyqqan órtpen kúresýde.
Abaı oblysynda ornalasqan «Semeı ormany» memlekettik orman tabıǵı rezervatynda kesheli beri qyzyl jalyn tynyshtyq bermeı tur.
«15 tamyz saǵat 18:00-den 16 tamyz 13:00-ge deıin orman qory aýmaǵynda shyqqan 18 órt tolyqtaı aýyzdyqtaldy. Máselen, 15 tamyz kúni saǵat 18:39-da Borodýlıha aýdany fılıalyndaǵy ormanshylyqta ot shyqqan. Tilsiz jaýdy sóndirýge orman órt sóndirý beketiniń tehnıkasy saǵat 18:41-de shyqty. Órt 19:12-de óshirilgen. Jalyn jaıylǵan aýmaq 0,2 gektardy qurady. Órttiń shyǵýyna naızaǵaı sebep bolǵan», - delingen «Semeı ormany» memlekettik orman tabıǵı rezervatynan taratqan aqparatta.
18 órttiń barlyǵy 1 saǵattyń ishinde aýyzdyqtalǵan. Dál qazirgi sátte basqa 10 jerdegi órtpen kúres jalǵasyp jatyr.
Eske salsaq, osyǵan deıin Ekologııa jáne tabıǵı resýrstar mınıstrligi Semeı, Ertis rezervattarynda jemqorlyqqa qatysty tekserý júrip jatqanyn málim etken bolatyn.
