«Semeı ormany» rezervatynda ormandy órteýge arnalǵan quraldar tabyldy

Keıbir buqaralyq aqparat quraldarynda «Semeı Ormany» memlekettik orman tabıǵı rezervaty» respýblıkalyq memlekettik mekemesiniń orman alqabyn órteýge arnalǵan quraldardyń sýretteri jarııalanyp jatyr.

Bul týraly Kazinform QR Bas prokýratýrasynyń baspasóz qyzmetine silteme jasap.

Baspasóz qyzmetiniń málimetterine qaraǵanda, atalǵan quraldardy ókiletti organ ókilderi «Semeı Ormany» MOTR» mekemesi Semeı fılıalyna qarasty Karasnokordon orman sharýashylyǵyna júrgizgen reıd barysynda anyqtaǵan.

Naqtyraq aıtqanda, 2023 jyldyń 28 qazanynda №172 jáne 175 oramdarynda qaraǵaı tuqymdas aǵashtardyń astyna «Shatyr» salynǵan jáne ol jerden 3 kólik dóńgeleginiń qaby (shınasy) tabylǵan. 5 qarasha kúni týra osyndaı nárseler №1 oramnan da tabylǵan. Olar birden joıyldy.

Ormanda órt qaýipsizdigin qamtamasyz etý máselesi quzyrly organdardyń udaıy nazarynda.

Qazirgi tańda Semeı qalasynyń polıtsııasy órteýge arnalǵan quraldar boıynsha sotqa deıingi tergeý júrgizip jatyr.

«Qylmystyq isti tergeý jumystary Abaı oblystyq prokýratýrasynyń baqylaýynda»,-delingen habarlamada.