Semeı kitaphanasy qoryndaǵy latyn álipbıindegi basylymdar kórmege qoıyldy

ÓSKEMEN. QazAqparat -Abaı atyndaǵy kitaphana Óskemen qalasynda sırek kezdesetin kitaptar qorynda saqtalǵan  latyn álipbıinde shyǵarylǵan ótken ǵasyrlyq kitaptar, gazetter men jýrnaldardan turatyn  erekshe kóshpeli kitaphana uıymdastyrdy,  dep habarlaıdy «QazAqparat» HAA tilshisi.

Kórmede ártúrli mazmundaǵy 200-den astam kitaptar qala jurtshylyǵynyń nazaryna usynyldy: latyn álipbıinde basylyp shyqqan Abaıdyń qara sózderi, S.Muqanov, B.Maılın, S.Seıfýllın, J.Jabaev, N.Gogoldiń shyǵarmalary, «Lenınshil jas», «Ekpindi Altaı», «Túrksib»,  gazetteri, «Ádebıet maıdany», «Komsomol propagandısi» jýrnaldary.

Abaı atyndaǵy kitaphananyń qyzmetkerleri ádebıetterge sholý jasap, kitaptardyń tarıhy jáne olardyń qandaı jaǵdaıda saqtalatyny jaıly aıtty.