«Semeı» Chempıondar lıgasynda «Tórttiktiń fınalynan» tys qaldy

ASTANA. KAZINFORM - Qazaqstandyq «Semeı» fýtzaldan UEFA Chempıondar lıgasynyń 1/2 fınaldyq kezeńine shyǵa almady.

Qazaqstandyq komanda búgin óz alańynda Frantsııanyń «Etýal» klýbymen alańǵa shyqty. Kezdesý barysynda qazaqstandyq komanda alǵashqy kezeńde sátti oıyn kórsetti. Aldymen 2-mınýtta Marselo esep ashty. Odan keıin 26-mınýtta olardyń qatarynan Kamıl Gereıhanov 26-mınýtta basymdyqty arttyrdy.

Eki gol aıyrmasymen alǵa shyqqan semeılik klýb kelesi kezekte óreskel qatelikterge boı aldyrdy. Saldarynan frantsııalyq klýb qatarynan Ýassını Gıro 32, Bılıalıa Bakkalı 33, 40-mınýtta mergendik tanytty.

Osylaısha semeılik klýb qarsylasyna 2:3 esebimen jeńilip qaldy.

Qazaqstandyq komanda birinshi kezdesýde qarsylasyna 4:5 esebimen ese jibergen edi. Qos oıynnyń nátıjesi boıynsha «Etýal» «Tórttiktiń fınaly» týrnırine joldama aldy.

Endi Qazaqstan ýaqytymen 00:30-da almatylyq «Semeı» klýby syrt alańda Ispanııanyń «Kartahena» klýbymen sheberlik baıqasady. Oıyn «Qazsport» telearnasynan tikeleı efırde kórsetiledi.

Birinshi kezdesýde olar qarsylasyna 1:2 esebimen jeńilgen edi.

Fınal 2026 jyldyń mamyr aıynda Italııanyń Pesaro qalasynda ótedi. Onda tórt komanda sheberlik baıqasady. Aldymen jartylaı fınal bolsa, odan keıin fınal men 3-oryn úshin oıyndar ótkiziledi.