Semeı-Astana velojoryǵy saltanatty túrde jabylady

ASTANA. 27 tamyz. QazAqparat - Dúısenbi, 29 tamyzda ıAdrolyq synaqtarǵa qarsy is-qımyldyń halyqaralyq kúninde Astananyń «Báıterek» alańynda Semeı-Astana velojoryǵynyń saltanatty jabylý rásimi ótedi.

QR Táýelsizdigi men Semeıdegi polıgonnyń jabylǵanyna 20 jyl tolýyna oraı uıymdastyrylǵan joryqtyń negizgi qatysýshylary - norvegııalyq Bike For Peace uıymynyń músheleri.

«Báıterek» alańyndaǵy is-sharaǵa QR Parlamenti, Úkimeti, Astana qalalyq ákimshiligi, azamattyq alıans ókilderi jáne sport mektepteriniń oqýshylary qatysady. Іs-shara barysynda norvegııalyq velosaıahatshylardyń Astana qalasynyń múmkindigi shekteýli balalar úıine tandem velosıpedin syılaý rásimi ótedi.