Sekıýrıtızatsııa jáne saqtandyrýdyń qarapaıym jumys tetigin qurý qajet - Qasym-Jomart Toqaev

NUR-SULTAN. QazAqparat - Sekıýrıtızatsııa jáne saqtandyrýdyń qarapaıym jumys tetigin qurý qajet. Bul týraly Tótenshe jaǵdaı rejımin qamtamasyz etý jónindegi memlekettik komıssııanyń qorytyndy otyrysynda Memleket basshysy Qasym-Jomart Toqaev aıtty, dep habarlaıdy QazAqparat tilshisi.

«Buǵan deıingi daǵdarystardyń nátıjesinde bankterdiń balansynda ekonomıkalyq aınalymnan shyǵyp qalǵan jumys istemeıtin aktıvterdiń aıtarlyqtaı mólsheri jınalyp qaldy. Banktik qurylym jumys istemeıtin aktıvterdi júzege asyrýdyń tyńǵylyqty jobasyn ázirleýi, buǵan qosa bank qyzmetkerleriniń jaýapkershiligin baqylaý jáne baǵalaýy qajet», - dedi QR Prezıdenti.

Memleket basshysynyń atap ótýinshe, Qarjy naryǵyn retteý jáne damytý agenttigi táýekelge baǵdarlanǵan qadaǵalaý aıasynda bankterdiń kúızeliske ushyraǵan aktıvtermen jumysyna monıtorıng jáne baqylaýdy kúsheıtýi qajet.

«Jumys istemeıtin aktıvterdiń órkenıetti naryǵyn qurý júıeli sheshim sanalady. Sekıýrıtızatsııa jáne saqtandyrýdyń qarapaıym ári jumys tetigin qurý qajet», - dedi Qasym-Jomart Toqaev.