Saıt domenderi nege oryssha - Egemen Qazaqstan
Atalǵan maqalada avtor mekemeniń aınasy sanalatyn resmı ınternet-resýrstardyń ataýy ne memlekettik tilde, ne bolmasa halyqaralyq standarttarǵa saı aǵylshyn tilinde bolýy tıis degen oı aıtady. «Osy bir qarapaıym zańdylyqty keıbir memlekettik uıymdar eskere bermeıtin sekildi. Birinde domendik ataý oryssha jazylsa, birinde saıt orys tilinde ashylady. Osyǵan oraı, biz barlyq mınıstrlikter men oblys ákimdikteriniń, konstıtýtsııalyq mańyzy bar organdardyń jáne ulttyq kompanııalardyń resmı saıttaryna sholý jasap, atalǵan olqylyqty túzeýge asyqpaıtyn mekemelerdi tizip shyqtyq», - deıdi avtor.
Maqalada aıtylǵandaı, Úkimet quramyndaǵy 16 mınıstrliktiń tórteýi óz saıttaryn oryssha ataýdy jón kórgen eken. Máselen, Densaýlyq saqtaý mınıstrligi - mz.gov.kz (Mınısterstvo zdravoohranenııa), Aýyl sharýashylyq mınıstrligi - mcx.gov.kz (Mınısterstvo selskogo hozıaıstva), Mádenıet jáne sport mınıstrligi - mks.gov.kz (Mınısterstvo kýltýry ı sporta), Іshki ister mınıstrligi - mvd.gov.kz (Mınısterstvo vnýtrennıh del). Úsh mınıstrlik qazaq tiline basymdyq bergen. Olar: Ádilet mınıstrligi - adilet.gov.kz , Eńbek jáne halyqty áleýmettik qorǵaý mınıstrligi - enbek.gov.kz , sondaı-aq Din isteri jáne azamattyq qoǵam mınıstrligi - diakom.gov.kz . Qalǵany túgeldeı aǵylshyn tilinde eken.
Gazettiń osy nómirindegi «Tramp otqa maı quıdy» atty maqalada halyqaralyq saıası arenadaǵy mańyzdy oqıǵany sheteldik BAQ-tar men saıasatkerler, saıası sarapshylar qalaı baǵalaǵany týraly sholý jasaldy.
AQSh Prezıdenti Donald Tramp Ierýsalımdi Izraıldiń astanasy ekendigin aıtyp, Amerıkanyń Tel-Avıvtegi elshiligi atalǵan qalaǵa kóshiriletindigin málimdegen bolatyn. Bul sheshimge Izraıl Premer-Mınıstri qoldaý bildirse, óńirdegi memleket basshylary, Eýropa elderi, Arab memleketteriniń lıgasy túgeldeı qarsy shyqty. Sarapshylar men saıasatkerlerdiń aıtýynsha, bul óńirdegi shıelenisti odan ári kúrdelendirmek.
«Egemen Qazaqstannyń» osy nómirinde «Astana - Máńgilik eldiń mereıi», «Kól qoryǵan qyzǵyshtaı» jáne basqa da tolymdy dúnıeler jarııalandy.
