Saıram turǵyny úıinde eki jabaıy dala qyranyn zańsyz ustaǵan
Saıram aýdandyq polıtsııa bólimine aýdan turǵynynyń biriniń úıinde jabaıy dala qyrany bar ekendigi týraly habarlanǵan. Ekologııalyq qylmystyń aldyn alý barysynda polıtsııa qyzmetkerleri atalǵan turǵynnyń qorasynan eki qusty tapty. Olar QR «Qyzyl kitabyna» engizilgen dala qyrany bolyp shyqty.
Sondaı-aq, polıtseıler kúdiktiniń dinı-destrýktıvti aǵymdy ustanýshy ekenin anyqtady. Er adam eshqaıda ketpeý týraly qolhatpen bosatyldy.
Qazirgi ýaqytta osy oqıǵaǵa qatysty QR QK-niń 339-baby «Sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan ósimdikter men janýarlar túrlerin, olardyń bólikterin nemese derıvattaryn zańsyz paıdalaný» boıynsha sotqa deıingi tergeý amaly júrgizilip jatyr.
Dala qyrandary Shymkent qalasynyń haıýanattar baǵyna jiberildi. Tártip saqshylary er adam «Qyzyl kitapqa» engen qustardy qandaı maqsatta ustaǵanyn anyqtaýda.
Polıtsııa azamattarǵa Qyzyl kitapqa engizilgen sırek kezdesetin janýarlardy ustaǵandarǵa 3 myń AEK kóleminde aıyppul nemese 3 jylǵa deıingi merzimge bas bostandyǵynan shekteý nemese aıyrý túrinde qylmystyq jaýapkershilik qarastyrylǵanyn eskertedi.
