Saıram-Ógem ulttyq parkinde Qyzyl kitapqa engen arqarlar kózge tústi

NUR-SULTAN. QazAqparat - Saıram-Ógem ulttyq tabıǵı parkinde ornatylǵan fototuzaqqa Qarataý arqarlary ilikti. Bul jaıynda orman sharýashylyǵy jáne janýarlar dúnıesi komıtetiniń resmı paraqshasynan málim boldy, dep habarlaıdy QazAqparat.

Aıyr tuıaqty sútqorekti ań Qazaqstannyń Qyzyl kitabyna engizilgen.

Ulttyq park aýmaǵynyń tek Túlkibas fılıalynda mekendeıdi.

Atalmysh janýarlar Saıram-Ógem ulttyq parkiniń aýmaǵyna kúzde qystaýǵa, kóktemde tóldeýge keledi.

Mamyr aıynyń sońynda jazǵy jaıylymǵa qonys aýdarady.

Kóktemgi sanaq boıynsha ulttyq parkte shamamen 75 arqar mekendeıdi.

Olar butalar men shóptesin ósimdikterdiń 70 túrimen qorektenedi.

Vıdeodan alynǵan kadr