«Saılaýmen» qaraǵandylyqtardy daýys berýge shaqyrýda
Joba elektoraldy jáne saılaý taqyrybynda kelip túsetin saýaldarǵa jaýap berýge baǵdarlamalanǵan Telegram chat-boty (https://t.me/electionqazbot)
bolyp tabylady. Vırtýaldy kómekshi «Saılaýmen» chat-boty tutynýshylarǵa kelesideı qyzmetterdi usynady: saılaýdyń júrgizilý barysy týraly; óz saılaý ýchaskeńizdi qalaı tabýǵa bolatyny jóninde; saılaýshylar, baıqaýshylarǵa arnalǵan nusqaýlyqtar; aldaǵy QR-ǵy saılaýǵa qatysty basqa da aqparattyq-anyqtamalar.
«Saılaýmen» aqparatty qazaq jáne orys tilderinde usynady.
Telegram-ǵy chat-botqa qosymsha retinde baǵdarlamashylar Instagram (https://www.instagram.com/sailauman/) áleýmettik jelisindegi platformada da «Saılaýmen» nusqasyn qarastyrǵan. Atalmysh jelide anyqtamalyq aqparat komıkster retinde jarııalanatyn bolady.
«Qurastyrýshylardyń oılap tapqan «ańyzyna» saı, Saılaýmen jýyrda 18 jasqa tolǵan jáne de aldaǵy prezıdenttik saılaý - onyń qatysqaly otyrǵan alǵashqy saılaýy. Keıipker saılaý protsesine qatysty barlyq materıaldarmen tanysyp, kóptegen aqparat jınaǵan, endi sol bilgen-túıgenderin dostarymen Telegram arnasynda jáne óziniń Instagram paraqshasynda bólisýge daıyn. Ózi úlgi bola otyryp, vırtýaldy kómekshi jastardy saılaýǵa qatysýǵa yntalandyrýǵa, sondaı-aq saılaý jáne saılanǵan azamat bolý memlekettik basqarýdyń demokratııalyq júıesiniń irgetasy bolyp tabylatynyn jáne de daýys berý mańyzdy, jaýapty jáne kúrdeli emes áreket ekenin túsindirýge tyrysady», - delingen aımaq ákimdiginiń málimetinde.
«Saılaýmen» qazirdiń ózinde jelilerge qosylǵan. Instagram jelisindegi jazylýshylarynyń sany 20 myńnan asqan jáne de ol saılaý týraly saýaldarǵa táýliktiń kez kelgen ýaqytynda jaýap berýge daıyn.
