Saılaýdyń ádil ótýin «Amanat» azamattyq platformasy qadaǵalaıdy

PETROPAVL. QazAqparat - Kezekten tys Prezıdent saılaýynyń elimizde ádil, talapqa saı ótýin «Amanat» azamattyq platformasy qadaǵalaıdy. SQO-da qoǵamdyq birlestiktiń fılıaly ashyldy, dep habarlaıdy QazAqparat tilshisi.

«Amanat» azamattyq platformasy saılaý barysyna qoǵamdyq monıtorıng júrgizý maqsatynda qurylǵan. Uıymdastyrýshylardyń aıtýynsha, bul - Qazaqstan azamattarynyń táýelsiz erikti birlestigi. Oǵan qoǵamdyq uıymdar ókilderi, BAQ ókilderi, jastar, sarapshylar, azamattyq belsendiler kirdi.

«Amanat» platformasynda saılaýdyń 5 baǵyty boıynsha monıtorıng júrgiziledi. Bul saılaýdyń burynǵy saılaýdan ereksheligi bar. Kandıdattardyń sany artty, ıaǵnı teń básekelestik bolýyn, saılaýdyń ashyq júrgizilýin qadaǵalaımyz. Sondaı-aq, saılaýshylardyń tizimde bolýy, saılaý ýchaskeleriniń qoljetimdiligi de nazardan tys qalmaıdy», - deıdi «Qyzyljar Bilim» JShS dırektory, platforma múshesi Janat Muhametjanov.

Qoǵamdyq birlestik saılaýdy ótkizýge daıyndyqty baqylap, saılaýshylardyń óz quqyqtary jaıynda habardar bolýyn, saılaýdyń adal jáne ashyq ótýin nazarǵa alady. Qazir elimizdiń barlyq óńirlerinde jedel jumys isteý úshin «Amanat» azamattyq platformasynyń ókilderi anyqtaldy. Olardyń aıtýynsha, barlyq baǵyttar boıynsha halyqaralyq uıymdarmen, OSK, jergilikti jerlerdegi saılaý komıssııalarymen, Joǵarǵy Sotpen, Jergilikti atqarýshy organdarmen, Bas prokýratýramen, kandıdattardyń saılaý aldyndaǵy shtabymen, buqaralyq aqparat quraldarymen, ǵylymı-saraptamalyq qoǵamdastyq jáne azamattyq sektor ókilderimen yntymaqtastyq qurylady.

Qazir SQO-da shamamen 600-deı saılaý ýchaskesi bar. Búgingi kúni olar talapqa saı jónge keltirilip jatyr.